Almatyda zańsyz salynǵan turǵyn úı keshenin buzý jumystary bastaldy
Qala qurylysyn baqylaý basqarmasy atap ótkendeı, nysandy súrýge sottyń tergeý jumystary 2022 jyldan beri jalǵasyp keledi.
Observatorııa kóshesi, 104/4 mekenjaıda ornalasqan «Mechta» turǵyn úı keshenin salý kezinde kóptegen buzýshylyqqa jol berilgen, atap aıtqanda tekserý kezinde 2 núktege ruqsat berý qujattary bolmaǵan jáne búkil nysan boıynsha jobadan aýytqýlar anyqtalǵan. Turǵyn úı kesheniniń ózi turǵyn úıdi paıdalaný jáne qyzmet kórsetý jóninde nysanaly maqsaty bar jer ýchaskede ornalasqan.
Osylaısha, jeke turǵyn úı retinde salynǵan keshen arqyly qurylys salýshy qala turǵyndaryna jalǵan málimet bere otyryp, páterlerdi satýdy josparlaǵan.
Buǵan deıin basqarma QR Sybaılas jemqorlyqqa qarsy is-qımyl agenttigimen zańsyz qurylysty baqylaýdy kúsheıtý boıynsha birlesken jumys aıasynda nysanǵa jospardan tys tekserý júrgizgen bolatyn.
2022 jyldyń 1 tamyzy kúngi tekserý nátıjeleri boıynsha tapsyrys berýshige (jeke tulǵaǵa) qatysty QR ÁQBtK sáıkes ákimshilik sharalar qabyldandy jáne jiberilgen buzýshylyqtardy joıýǵa nusqama berildi, alaıda tapsyrys berýshi óz kezeginde ony oryndamady.
2022 jyldyń 19 qazanynda Medeý aýdandyq soty nanysandy buzý týraly talap aryz joldandy, sońynan uzaq merzimge sozylǵan sot talqylaýlary júrgizildi.
2023 jyldyń 20 shildesinde Almaty qalalyq sotynyń sheshimimen nysandy buzýǵa talap qanaǵattandyryldy.
2024 jyly 30 qańtarda Joǵarǵy sottyń qaýlysymen Almaty qalalyq sotynyń 2023 jylǵy 20 shildedegi úıdi buzý týraly qaýlysy ózgerissiz qaldy.