Almatyda zańsyz salynǵan taýnhaýs buzylyp jatyr
Almaty qala qurylysyn baqylaý basqarmasy málim etkendeı, turǵyndardyń ótinishi negizinde «Shuǵyla» shaǵyn aýdanyndaǵy Júnisov kóshesi, 135/20 ýchaskesiniń menshik ıesine qatysty jospardan tys tekserý júrgizildi. Nátıjıesinde taýnhaýstyń ruqsat berý qujattarynyń tolyq paketinsiz, sharýashylyq tásilmen turǵyzylǵany anyqtaldy.
«Menshik ıesine uıǵarym berý arqyly ákimshilik sharalar qabyldandy, alaıda ol oryndalǵan joq. Basqarma Naýryzbaı aýdandyq sotyna nysandy buzýǵa talap aryz berdi. 2024 jylǵy 2 aqpanda basqarmanyń talap-aryzdary qanaǵattandyryldy», - dep atap ótti basqarmadan.
Buzý Ádilet departamentiniń sot oryndaýshylarynyń qatysýymen bastaldy.
Esterińizge sala keteıik, 2023 jyldyń basynan beri 41 zańsyz nysan, onyń ishinde «Mechta», «KHAN», «Alma Garden» turǵyn úı keshenderi buzyldy. Osyǵan deıin úsh jer teliminde tıisti ruqsat qujatsyz salynǵan «Graff» turǵyn úı kesheniniń buzylǵany týraly jazǵan edik.