Almatyda zańsyz salynǵan iri qurylys nysany buzylyp jatyr

<p>ALMATY. KAZINFORM &ndash; Almatyda sot sheshimimen iri qurylys nysanyn buzý jumystary bastaldy. Óńirdegi qala qurylysyn baqylaý basqarmasy málim etkendeı, Dostyq dańǵyly 170/1 mekenjaıynda ornalasqan ǵımaraty tolyq súriledi.</p>

Atalǵan ýchaskedegi qurylysty menshik ıesi osydan 19 jyl buryn bastaǵan. Alaıda, túrli sebepterge baılanysty salynbaı qaldy. Keıin ýchaske ózge menshik ıesine beriledi, ol qolynda kelisilgen eskızdik joba, qurylys-montaj jumystaryn bastaý týraly habarlama, avtorlyq jáne tehnıkalyq qadaǵalaý bolmasa da qurylysty jalǵastyrǵan ári aýmaqta zańsyz saýda nysandaryn turǵyzǵan.

Osyǵan baılanysty basqarma Medeý aýdandyq sotyna ǵımaratty buzý týraly talap aryz túsirdi. Sot ony qanaǵattandyrdy.

Esterińizge sala keteıik, buǵan deıin Almaty ákimi Erbolat Dosaev zańsyz qurylysty baqylaýdy kúsheıtýdi tapsyrǵan bolatyn. 

Jalpy, qala boıynsha 36 zańsyz nysan tolyǵymen jáne ishinara buzyldy, onyń ishinde bıznes-ortalyqtar, meıramhanalar, tolyqtyrýlar men avtoservıster, «Mechta» jáne KHAN sııaqty iri turǵyn úı keshenderi bar.