Almatyda zańsyz salynǵaly jatqan turǵyn úı kesheni anyqtaldy
Almaty ákimdigi qala qurylysyn baqylaý basqarmasy ınternet resýrstaryn monıtorıngileý barysynda Royal Time turǵyn úı kesheniniń jarnamasyn anyqtady.
Almaty ákimdiginiń málimetinshe, turǵyn úı kesheniniń saıty men áleýmettik jelidegi paraqshasynda kórsetilgendeı, premıým-klasty jańa TÚK Naýryzbaı aýdanyndaǵy Kenesary han kóshesi 145 mekenjaıynda ornalaspaq. Alaıda búginde jer ýchaskesinde qurylys júrgizilip jatqan joq jáne qurylysqa ruqsat beretin qujattary da joq.
«Eger siz jyljymaıtyn múlikti zańsyz nysannan satyp alsańyz, sondaı-aq, qurylys salýshy qarajatty erikti túrde qaıtarýdan bas tartqan jaǵdaıda, Almaty qalasy boıynsha Ekonomıkalyq tergeý departamenti men quqyq qorǵaý organdaryna júginińiz. Jyljymaıtyn múlikti satyp almas buryn Almaty qalasynyń qala qurylysyn baqylaý basqarmasynyń +7 705 89 66 000 WhatsApp jelisi boıynsha TÚK qujattarynyń bar-joǵyna kóz jetkizýdi usynamyz», - dep eskertti ákimdiktegiler.