Almatyda zańsyz kýrerlik qyzmetpen aınalysyp kelgen shetel azamattary ustaldy

<p>ALMATY. KAZINFORM - Almatyda shetel azamattarynyń kýrerlik qyzmetpen zańsyz aınalysyp kelgeni anyqtaldy. Bul derekterdi Kóshi-qon qyzmetiniń qyzmetkerleri &laquo;Zańsyz&raquo; jedel-aldyn alý is-sharasy barysynda anyqtady.</p>

«9 shetel azamatynyń kóshi-qon zańnamasynyń talaptaryn buza otyryp, eńbek qyzmetin júzege asyrǵany belgili boldy. Atap aıtqanda, kýrerlik platformalardyń birinde olar qazaqstandyq bolyp tirkelip, taýarlardy jetkizýge tapsyrystar alǵan. Sonymen qatar tekserý barysynda joǵaryda atalǵan azamattardyń ózderimen birge jeke basyn kýálandyratyn qujattary bolmaǵany anyqtaldy. «Qylmystyń aldyn alý týraly» Zańnyń 29-babynyń erejelerine sáıkes, sheteldik quqyq buzýshylar qabyldap-taratý ornyna ornalastyrylady. Olardyń árqaısysynyń kim ekenin anyqtaý jáne odan ári jaýapqa tartý jumystary júrgizilýde», - dedi Almaty qalasy Polıtsııa departamentiniń Kóshi-qon qyzmeti basqarmasy bastyǵynyń orynbasary, polıtsııa polkovnıgi Gennadıı Men.

Aıta keteıik, buǵan deıin Almatyda zańsyz jumys istegen 27 sheteldik ustalǵanyn jazǵanbyz.

Odan buryn megapolıste zańsyz júrgen Afrıka azamattary deportatsııalanǵan edi.

Sondaı-aq Kóshi-qon qyzmeti Almatyda jezókshelikpen aılanysqan 7 sheteldikti ustady.