Almatyda zańsyz qarý qoldanǵan 16 jastaǵy jasóspirim ustaldy

<p>ALMATY. KAZINFORM - Almatyda sıgnaldyq qarýy bar jas jigit ustaldy.</p>

Almaty polıtsııasynyń málimetinshe, «102» pýltine belgisiz jigit aspanǵa eki ret oq atyp, oqıǵa ornynan ketip qalǵany týraly habarlama túsken. Bostandyq aýdandyq polıtsııa basqarmasynyń qyzmetkerleri 16 jastaǵy buzaqyny kóp uzamaı ustaǵan.

— Ol qarýdy zańsyz paıdalanǵany úshin jaýapqa tartyldy. Sonymen qatar jasóspirimniń zańdy ókiline kámeletke tolmaǵan balany tárbıeleý boıynsha óz mindetterin oryndamaǵany úshin hattama toltyryldy, - dep habarlaıdy departamentten.

Eske salaıyq, buǵan deıin Almatyda memleketaralyq izdeýde júrgen kúdikti ustalǵanyn jazǵanbyz.