Almatyda veıp dúkenderge reıd júrgizildi

<p>ALMATY. KAZINFORM - Almatynyń veıp-dúkenderine Áýezov aýdanynyń polıtsııa qyzmetkerleri jáne &ldquo;Qazaqstan Balalary qory&rdquo; QQ iske asyratyn &ldquo;Veıpsiz jastyq shaq&rdquo; jobasynyń ókilderi reıd júrgizdi.&nbsp;</p>

- Qoldanystaǵy zańnamalyq shekteýlerge sáıkes, quramynda nıkotıni bar veıp syndy temeki ónimderin 21 jasqa tolmaǵan adamdarǵa satýǵa tyıym salynady. Reıd aıasynda jobanyń kámeletke tolmaǵan eriktileri Áýezov aýdanynyń veıp-dúkenderine baryp, elektrondy temeki satyp alýǵa tyrysty. Veıp-dúkender olarǵa elektrondy temeki satqan jaǵdaıda polıtsııa ókilderi zańǵa sáıkes shara qoldandy jáne túsindirý jumystaryn júrgizdi. Sondaı-aq bıyl 19 sáýirde Prezıdent Qasym-Jomart Toqaev qol qoıǵan zań 21 maýsymnan bastap kúshine enetinin habarlady, - dedi «Veıpsiz jastyq shaq» áleýmettik jobasynyń jetekshisi Marat Saıbekov. 

Foto: Elaman Týrysbekov/Kazınform

Sondaı-aq ol «Veıpsiz jastyq shaq» áleýmettik jobasynyń iske asyp kele jatqanyna eki jyl bolǵanyn atap ótti. Qoǵam belsendisiniń aıtýynsha, mundaı reıdter óz nátıjesin berip, zańnyń qatań saqtalýyna kómektesedi.

Foto: Elaman Týrysbekov/Kazınform

- «Veıpsiz jastar» áleýmettik jobasynyń júzege asyp kele jatqanyna eki jyldan astam ýaqyt ótti. Biz apta saıyn qalanyń ár aýdanynda reıd júrgizemiz. Osydan bir apta buryn Áýezov aýdanyndaǵy 4-5 veıp satatyn dúkenderge reıd júrgizgen edik. Reıd qorytyndysy boıynsha polıtsııa qyzmetkerleri satýshylarǵa 15 aılyq kórsetkish mólsherinde aıyppul saldy. Osy joly qaıta kelgenimizde, jasóspirimderge satpaǵan. Bul – reıd óz nátıjesin berdi degen sóz, - dedi ol.

Foto: Elaman Týrysbekov/Kazınform

Áleýmettik joba jetekshileriniń biri - Elvıra Vatlına veıpterdi tyıym salatyn zań kúshine engen soń, jastardyń bir bóligi elektrondy shylymdy “qara bazardan” alsa, bir bóligi dástúrli shylymnyń túrlerine aýysýy múmkin ekenin aıtady.

- 2023 jyly jeltoqsan aıynda “Veıpterge zańmen tyıym salynsa, ary qaraı ne isteısizder” degen taqyrypta saýalnama júrgizdik. Oǵan 900 qatysýshy boldy. Qatysýshylardyń jas shamasy 14 pen 19 aralyǵynda. Qatysýshylardyń 3/1 bóligi veıpterdi “qara bazardan” alatynyn aıtqan. Al qalǵan bóligi shylymǵa aýysýǵa nıetti ekenderin kórsetken. Jalpy elektrondy shylymdy nemese temekini tolyqtaı tastaýǵa daıyn adamdar biren-saran. Óıtkeni veıp shegetin adamdardyń kópshiligi oǵan deıin dástúrli shylymdy qoldanǵandaryn aıtady, - dedi “Qazaqstan Balalary qory" qoǵamdyq qorynyń dırektory Elvıra Vatlına.