Almatyda vaktsına almaǵan jasóspirimder jappaı kókjótel juqtyryp jatyr

<p>ALMATY. KAZINFORM — Almaty qalalyq sanıtarııalyq-epıdemıologııalyq baqylaý departamenti kókjótel aýrýy boıynsha qaladaǵy epıdemıologııalyq jaǵdaıdy málim etti.</p>

Vedomstvonyń málimetinshe, Almatyda bıyl eki aıdyń ishinde 14 jasqa deıingi ekpe almaǵan balalar arasynda kókjóteldiń 15 jaǵdaıy rastalǵan.

Oshaqtarda baılanysta bolǵan 208 adam tekserildi, nátıjesi — teris.

Baılanysta bolǵandarǵa emhana medıtsına qyzmetkerleri medıtsınalyq baqylaý jasaıdy.

Ótken jyly 14 jasqa deıingi vaktsına almaǵan balalar arasynda kókjóteldiń rastalǵan 5 jaǵdaıy tirkelgen.

«Kókjótelden qorǵanýdyń jalǵyz joly — vaktsına alý. 2, 3, 4 jáne 18 aılyq balalarǵa kókjótelge, dıfterııaǵa, sirespege, „V“ gepatıtine, gemofıldi ınfektsııaǵa jáne polıomıelıtke qarsy bir mezgilde keshendi vaktsına egiledi. Budan ári 6 jastaǵy balalarǵa AbKDS kúsheıtkish dozasy salynady» dep habarlady qalalyq sanıtarııalyq-epıdemıologııalyq baqylaý departamentiniń baspasóz qyzmeti.

Aýrý belgileri paıda bolǵan kezde epıdemıologtar mynadaı aqyl-keńes usynady:

— ýaqtyly medıtsınalyq kómekke júginý, ózin-ózi emdemeý, tek dárigerdiń nusqaýy boıynsha em qabyldaý;
— bólmeni jıi jeldetip, dymqyl tazalaý júrgizý;
— jótelgen kezde aýyzdy jabý, qoldy jıi jýý;
— ata-analarǵa naýqas balalardy uıymdasqan ujymdarǵa, mektep pen MDBU-ǵa jibermeý.