Almatyda úıler men ǵımarattar tekserile me

<p>ALMATY. KAZINFORM &ndash; Almaty qalasy Tótenshe jaǵdaılar departamentiniń basshysy Nurlan Atyǵaev túnde bolǵan kúshti jer silkinisi saldarynan úıleri zaqymdanǵan qala turǵyndaryna qaıda júginýge bolatynyn aıtty.</p>

«Tirshilikti qamtamasyz etýdiń barlyq nysandary, jeke jer úıler, kópqabatty turǵyn úıler tekseriledi. Qala turǵyndary bizge aqparat jibere alady, sonymen qatar biz óz resýrstarymyzda jáne áleýmettik jelilerde telefon nómirlerin jarııaladyq. Biz bárin tekseremiz. Naqty aıta almaımyz. Búgin, erteń, arǵy kúni bolýy múmkin», - dep jaýap berdi spıker brıfıngte.

Eske salaıyq, búgin, qańtardyń 22-sinen 23-ine qaraǵan túni Almatyda birneshe tolqynmen jer silkindi.

Resmı málimet boıynsha alǵashqy dúmpýdiń amplıtýdasy 5 ballǵa deıin jetken. Saldarynan úreı boı aldyrǵan turǵyndardyń bir bóligi qalany tastap shyǵýǵa bekingen. 

Munyń arty kólik keptelisine ulasyp, janarmaı beketterinde kezek paıda bolǵan.
Halyq arasyndaǵy baıbalamdy paıdalanyp taksı baǵasyn birneshe ese kóterip jiberý faktileri de tirkeldi. 

Epıtsentri Almatydan ońtústik-shyǵysqa qaraı 264 shaqyrym jerde, Qyrǵyzstan men Qytaı shekarasynda ornalasqan túngi jer silkinisi Almaty men Shymkentten bólek, Astanada jáne Qazaqstannyń bes oblysynda sezilgen. 

24-25 qańtar kúnderi Prezıdent Qasym-Jomart Toqaev Almatyǵa barady. 

Ulttyq seısmologııalyq baqylaýlar men zertteýler ǵylymı ortalyǵynyń dırektory Dáýlet Sársenbaev Almatyda jaqyn ýaqytta joıqyn jer silkinisi bolmaıtynyn aıtty.