Almatyda ústel tennısinen WTT Youth Contender Almaty týrnıri ótedi

<p>ASTANA. KAZINFORM &ndash; Almatyda tarıhta ekinshi ret WTT Youth Contender Almaty bedeldi halyqaralyq týrnıri ótedi.</p>

Ulttyq olımpıada komıtetiniń málimetinshe, bıyl úlken start 27-30 shilde aralyǵynda ótedi. Sonymen qatar 5 jas sanaty boıynsha júldegerlerge medal úlestiriledi. 

Atalǵan týrnırde 17 elden kelgen 230 sportshy baq synaıdy. Belgııa, Gonkong, Úndistan, Iran, Qatar, Qytaılyq Taıpeı, Qyrǵyz Respýblıkasy, Mońǵolııa, BAÁ, Saýd Arabııasy, Slovakııa, AQSh, Túrkimenstan, Túrkııa, Ózbekstan, Japonııa jáne Qazaqstan ókilderi WTT Youth Contender Almaty jarysyna qatysatyndaryn rastady. 

Jarys sońynda júldeler jınaǵan upaıy arqyly álemdik reıtıngidegi ornyn jaqsarta alady.

Halyqaralyq ústel tennısi federatsııasy (ITTF) jáne Dúnıejúzilik ústel tennısiniń (WTT) qoldaýymen ótetin týrnırge 11 men 19 jas aralyǵyndaǵy sportshy uldar men qyzdar qatysady. 

Aıta keteıik, sporttyq báseke Almaty ADD ústel tennısi ortalyǵynda ótedi.