Almatyda úshem dúnıege keldi
Almaty densaýlyq saqtaý basqarmasy atap ótkendeı, jas júkti kelinshek № 2 qalalyq perınataldyq ortalyqqa tolǵaqpen kelip tústi. Dárigerler qajetti tekserý júrgizip, oǵan kesar tiligi jasaý týraly sheshim qabyldady.
Operatsııany óz isiniń mamandary — hırýrg Azamat Erjanov pen Baqyt Ábisheva jasady. Ota sátti ótti. Dúnıege salmaǵy 2360 jáne 2420 gramm eki ul men salmaǵy 2050 gramm qyz bala keldi.
«Uldardyń biri, bir apta boıy reanımatsııa bóliminde neonatologtardyń táýlik boıy baqylaýynda boldy, onda oǵan barlyq qajetti medıtsınalyq emdeý júrgizildi. Qalǵan eki náreste patologııa bóliminde anasynyń janynda boldy», — dep habarlady densaýlyq saqtaý basqarmasynan.
Óz kezeginde, úshemniń anasy medıtsına qyzmetkerlerine rahmet aıtty.
«Men barlyq medıtsına qyzmetkerine qıyn, jaýapty eńbegi úshin shyn júrekten alǵys bildirgim keledi, olardyń arqasynda meniń balalarym qazir menimen birge jáne biz úıge shyqqaly jatyrmyz», — dep atap ótti jas ana.