Almatyda ushaq janynda temeki shekken eki sheteldik reısten túsirildi

<p>ALMATY. KAZINFORM &mdash; Almaty qalasy áýejaıyndaǵy jelilik polıtsııa bóliminiń qyzmetkerleri áýe kompanııasy ókilderiniń aktisi boıynsha &laquo;Almaty &ndash; Kýtaısı&raquo; baǵytyndaǵy áýe reısiniń eki jolaýshysyn túsirip aldy.</p>

Kólik polıtseıleri tekserý barysynda 20 jastaǵy eki shetel azamatyn anyqtady. Olar ushaqqa otyrǵyzý kezinde áýe kemesiniń janynda temeki shekken.

Quqyq buzýshylardyń árqaısysyna 15 AEK (55 380 teńge) aıyppul salyndy.

Dál sol kúni Almaty áýejaıynyń kólik polıtseıleri de eki sheteldik quqyq buzýshyny anyqtady. 54 jáne 57 jastaǵy áıelder «Almaty – Astana» baǵytyndaǵy áýe reısimen ushý kezinde dórekilik tanytyp, jolaýshylardyń tynyshtyǵyn buzǵan.

Quqyq buzýshy áıelderge qatysty usaq buzaqylyq boıynsha ákimshilik hattama toltyrylyp, materıal sheshim qabyldaý úshin sotqa joldandy.