Almatyda úsh jigit qyz zorlady degen kúdikke ilindi

<p>Almatyda úsh jigit 20 jastaǵy qyzdy zorlady degen kúdikke ilindi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Telegram kanaldardyń birinde úsh jigit oıyn-saýyq mekemesinde 20 jastaǵy boıjetkenniń alkogoldik ishimdigine áldebir zat salyp, keıin ony urlap alyp ketip, zorlaǵany týraly aqparat paıda boldy. Sondaı-aq kúdiktiler jábirlenýshige moraldyq shyǵyn úshin aqsha usynyp jatqany habarlandy. 

Qalalyq Polıtsııa departamentiniń málimetinshe, atalǵan fakti QR QK 120-baby 2-bóligi 1-tarmaǵy boıynsha Almaly aýdandyq polıtsııa basqarmasynda tirkeldi.

«Jedel-izdestirý sharalary barysynda kúdiktiler anyqtalyp, ustaldy. Tıisti saraptamalar taǵaıyndaldy. Sonymen qatar jábirlenýshiniń alkogoldik sýsynyna belgisiz zat qosylǵany boıynsha da tekseris júrgizilip jatyr», - dep habarlady Almaty polıtsııa departamentiniń baspasóz qyzmeti.

Sondaı-aq polıtsııa qylmystyq protseske qatysýshylar arasyndaǵy hat almasý Instagram áleýmettik jelisi arqyly júrgizilgenin anyqtady.

«Eger shaǵymdy keri qaıtaryp alatyn bolsa, ol jazany jeńildetýi múmkin, biraq qylmystyq isti toqtatýǵa negiz bola almaıdy», - dep atap ótti vedomstvodan.