Alıment tólemegen almatylyqtyń 1 jylǵa bas bostandyǵy shekteldi

<p>ALMATY. KAZINFORM - Almaty qalasy Naýryzbaı aýdany prokýratýrasy Qylmystyq Kodekstiń 139-baby, ıaǵnı balalaryn kútip-baǵýǵa arnalǵan qarajatty tóleý jónindegi mindetterdi oryndamaý boıynsha qylmystyq isti tirkedi.</p>

«Sot talqylaýy barasynda sottalýshynyń kinási dáleldendi, sonymen qatar boryshkerdiń úsh aıdan astam ýaqyt boıy alımentterdi tóleý boıynsha óz mindetterin qasaqana oryndamaǵany, tólemnen jaltartý maqsatynda tikeleı nıetimen óziniń naqty tabysyn sanaly túrde jasyrǵany, osyǵan baılanysty eki mıllıon teńgeden astam bereshek paıda bolǵany anyqtaldy», — dep jazdy baqylaýshy organnan.

Almaty qalasynyń kámeletke tolmaǵandar jónindegi mamandandyrylǵan aýdanaralyq sotynyń úkimimen sottalýshy O.E.ıÝ. QR QK 139-babynda kózdelgen qylmystyq quqyq buzýshylyq jasaǵany úshin kináli dep tanyldy. Kinálige qatysty 1 jyl bas bostandyǵyn shekteý, búkil kezeńge probatsııalyq baqylaý taǵaıyndaýmen, jylyna 100 saǵat májbúrli eńbek túrindegi jazalaý sharasy qoldanyldy. 

Sheshim zańdy kúshine engen joq.