Almatyda týrızm salasynan túsken salyq túsimi eki esege artty
– Qonaqtar sanynyń artýy qala ekonomıkasyna tikeleı áser etti: týrızm salasynan túsken salyqtyq túsimderi 11 aıda 85,5 mıllıard teńge boldy. Bul ótken jylǵy kórsetkishten 2 esege artyq. Negizgi kapıtalǵa salynǵan ınvestıtsııa 92,9 mıllıard teńgege jetti,– dep habarlady ákimdikten.
Jeke qarajat esebinen qalada 35 jańa ornalastyrý nysany ashyldy, onyń ishinde 20 qonaqúı, 4 glempıng, 8 hostel jáne 3 qonaq úı bar. Bul 836 bólme qosyp, týrısterdi qabyldaý ınfraqurylymyn aıtarlyqtaı nyǵaıtty.
– 2025 jyly qala ınvestorlardy tartýdy, týrıstik ınfraqurylymdy damytýdy jáne halyqaralyq arenadaǵy ornyn nyǵaıtýdy jalǵastyryp, Almatyny Ortalyq Azııanyń jetekshi týrıstik baǵyty retinde odan ári ilgeriletýdi josparlap otyr,–dep atap ótti ákimdikten.
Eske salaıyq, Almaty saıahattaýǵa turarlyq eń úzdik oryndar tizimine endi.
Osyǵan deıin Almatyǵa 1,7 mıllıonnan astam týrıst kelgeni týraly jazǵan edik.
Almaty - eldiń qarjylyq, ǵylymı, mádenı jáne ekonomıkalyq ortalyǵy ǵana emes, sonymen qatar týrıstik ortalyq.Ondaǵy tabıǵatty, tarıhı jáne kórikti jerlerdi tamashalaýǵa, demalýǵa álemniń túkpir-túkpirinen týrıster kóptep keledi.