Almatyda týrısterge kıiz úı pishindi tátti taratyldy

<p>ALMATY.KAZINFORM-Almatyda Naýryz meıramyn toılaý aıasynda &laquo;Syılyqqa tátti kádesyı&raquo; aktsııasy ótti.</p>

Aktsııa aıasynda halyqaralyq jolaýshylar termınalyndaǵy tólqujatty baqylaý jáne kedendik beketke kelgen árbir týrıstke elimizdiń qonaqjaılylyǵyn beıneleıtin pechene men shokolad berildi. Qazaq kıiz úı túrindegi pechene - qazaq halqynyń dástúrli ómir saltyn beıneleıdi. Bul Qazaqstannyń baı mádenı murasyn eske salady.

«Bul naýqan bizdiń mádenıet pen dástúrlerge nazar aýdarý baǵytyndaǵy mańyzdy qadam. Biz jyl saıyn elimizdiń mádenı murasynyń mańyzdylyǵyn atap ótý úshin osyndaı aktsııalardy ótkizýge tyrysamyz. Mundaı oqıǵalar qonaqtarymyzdyń kóńilin kóterýmen qatar, tarıhymyz ben mádenıetimizdi túsinýge jáne qurmetteýge septigin tıgizedi», - dedi Almaty qalasy Týrızm basqarmasynyń basshysy Ǵalııa Toqseıitova.

Іs-sharanyń basty maqsaty - týrısterdi tartý jáne eldiń tarıhı jáne mádenı murasymen tanystyrý.