Almatyda túnde júretin avtobýstar kóbeıe me

<p>ALMATY. KAZINFORM &ndash; Bıyl qańtar aıynda Almaty qalasynyń 2030 jylǵa deıingi kólik qańqasynyń master-jospary bekitildi. Onda megapolıstegi qoǵamdyq kólikterdi damytý jobalary kórsetilgen. Biz bul qujatqa silteme jasaı otyryp, qala ákimdiginen túngi avtobýstardyń jańa baǵyttaryn iske qosý jospary bar-joǵyn suradyq.</p>

Almaty ákimdiginiń málimetine sáıkes, qazirgi ýaqytta saǵat 23:00-06:55 aralyǵynda bir baǵyt boıynsha túngi avtobýstar júredi.

«Qazirgi tańda Almaty qalasynda túngi ýaqytta halyqaralyq áýejaıdan «Orbıta-2» shaǵyn aýdanyna deıin №3 marshrýt qyzmet etedi. Bul marshrýttyń jyljymaly quramy 2 avtobýs. Qozǵalys aralyǵy – 65 mınýt», - dep habarlady ákimdikten.

Sondaı-aq ákimdiktiń baspasóz qyzmeti túngi marshrýtta jolaýshy sany kóp bolmaýyna baılanysty reıster sanyn kóbeıtý josparlanbaǵanyn habarlady.

«Bul marshrýttyń reıster sany qazirgi jolaýshylar aǵymyna saı ekendigine baılanysty reısterin kóbeıtý máselesi qarastyrylmaǵan. Osy marshrýttyń bar ekenin eskere otyryp, Almaty qalasynyń kólik qańqasynyń master-josparynda jańa túngi marshrýt ashý máselesi de qarastyrylmaǵan», - deıdi ákimdikten.

Eske salaıyq, keshe Almatyda avtobýs jeńil kólikpen soqtyǵysyp, 1 adam qaıtys boldy. 

Sondaı-aq oqıǵa kýágeri qoǵamdyq kóliktiń qalaı apatqa ushyraǵanyn aıtyp berdi.