Almatyda túnde kólik órtendi

<p>Búgin túnde Almatynyń Áýezov aýdanynda jeńil avtokólik otqa orandy, dep habarlaıdy Kazinform.</p>

Órtengen kóliktiń vıdeosy jelige shyqty. 

Almaty qalalyq Tótenshe jaǵdaılar departamentiniń málimetinshe, 1 jeltoqsan kúni saǵat 00:46-da oqıǵa ornyna jetken órt sóndirýshiler «Lada Priora» markaly avtokóliginiń órtin sóndirdi.

«2014 jyly shyqqan jeńil avtokólik Abaı men Altynsarın dańǵyldarynyń qıylysy aýmaǵynda órtenip jatty. Órtengen aýmaq 3 sharshy metr boldy. Órt sóndirýshiler oqıǵa ornyna jetken soń, 2 mınýt ishinde, saǵat 00:54-te órtti sóndirdi. Qaza tapqandar men zardap shekkender bolǵan joq», - delinedi TJD habarlamasynda.

Almaty qalalyq TJD kólikten shyqqan órt tez taralatynyn, sol sebepti kólikte árdaıym jumys isteıtin órt sóndirý quraldary bolý kerektigin eskertti. Sondaı-aq, kólikke tek mamandandyrylǵan tehnıkalyq qyzmet kórsetý ortalyqtarynda qyzmet kórsetken durys.