Almatyda tumaý juqtyrǵyndardyń sany 30 paıyzǵa artqan

<p>ALMATY. KAZINFORM &mdash; Almatyda sońǵy aptalarda tumaý juqtyrǵandardyń sany birshama artqan. Bul týraly Almaty qalasy Sanıtarlyq-epıdemıologııalyq baqylaý departamentiniń basshysy Qasymhan Alpysbaıuly aıtty.</p>

Onyń aıtýynsha, Almatyda ótken aptada JRVI, tumaý aýrýlarynyń 23 086 jaǵdaıy tirkelgen. Al eki apta buryn megapolıste 16 429 adam tumaý bolyp aýyrǵan, ıaǵnı aýrý juqtyrǵandar sany 28,8%-ǵa artqan. Jalpy aýrýdy juqtyrǵandardyń 66,7%-y — balalar.

Almaty qalasynyń bas sanıtarlyq dárigeri tumaýdyń epıdemıologııalyq ósýi kezeńinde aldyn alýdyń sharalaryn oryndaýǵa keńes berdi:

— dárigerdiń taǵaıyndaýymen S dárýmenin alyp, oksolın syqpasyn qoldaný kerek;

— jappaı is-sharalar ótetin oryndarǵa barýdy azaıtý, bólmelerde ylǵalmen súrtip, jeldetý, JRVI-men naýqastanǵandarmen qarym-qatynasta bolmaýǵa tyrysý, qarym-qatynasta bolǵan jaǵdaıda betperde kııý kerek;

— aýyrǵan jaǵdaıda, óz betimen em-dom qoldanbaı, úıden shyqpastan, medıtsına qyzmetkerin shaqyrýy qajet, túshkirgende jáne jótelgende aýyzdy qolmen, maılyqpen jaýyp, qoldy jıi jýý qajet;

— aýyrǵan balalardy mektepke, mektepke deıingi balalar mekemelerine, mádenı is-sharalar júrgiziletin oryndarǵa jibermeý qajet.

Eske salaıyq, buǵan deıin Almatyda 5 myńǵa jýyq qyz APV-ǵa qarsy vaktsına alǵanyn jazǵanbyz.