Almatyda trolleıbýs joldan shyǵyp ketti

<p>Áleýmettik jelide Almatyda joldan shyǵyp, aǵashty soqqan trolleıbýstyń vıdeosy paıda boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Vıdeodaǵy jazbada jol apaty Tımırıazeva kóshesinde bolǵany jazylǵan. Vıdeodan trolleıbýstyń joldan qalaı shyǵyp ketkeni kórýge bolady.

Almaty qalalyq polıtsııa departamentiniń jergilikti polıtsııa qyzmeti jol apaty qalanyń Bostandyq aýdanynda búgin saǵat 14:10-da bolǵanyn habarlady.

«Trolleıbýs pen Lexus markaly jeńil avtokóliktiń qatysýymen bolǵan jol apaty saldarynan zardap shekkender bolǵan joq. Atalmysh derekti Bostandyq aýdanynyń polıtsııa basqarmasy tekserip jatyr», - dep habarlady qalalyq polıtsııa departamentiniń baspasóz qyzmeti.