Almatyda tozyǵy jetken qubyr aýystyryldy

<p>ALMATY. KAZINFORM &ndash; Almatyda 33 jyl boıy paıdalanylyp kele jatqan qubyr aýystyryldy.</p>

Almatyda 1991 jyldan beri qoldanysqa berilgen 2 shaqyrymǵa jýyq qubyr jańartyldy.

Abaı dańǵyly men Saın kóshesiniń batys baǵytyndaǵy bul qubyr 406 kóppáterli jáne 105 jeke turǵyn úıdi, 4 balabaqshany, 1 densaýlyq saqtaý nysanyn jáne 6 ózge de nysandy jylýmen jáne ystyq sýmen qamtamasyz etedi.

Foto: Almaty ákimdigi

«Jańartý kezinde kórsetilgen aýmaqtaǵy tutynýshylarǵa ystyq sý berý toqtatylǵan joq. Barlyq jumys merziminde aıaqtaldy, atalǵan ýchaskedegi avtokólik qozǵalysy qalpyna keltirildi», - dep atap ótti qalalyq ákimdikten.

Qalada bıyl 20 km jylý jelilerin qaıta jańartý kózdelgen. Almatynyń 6 aýdanynda jylýaralyq kezeńge josparlanǵan qaıta jańartý bekitilgen kestege sáıkes júrgiziledi. Onyń negizgi bóligi aıaqtalyp qaldy.