Almatyda tok soqqan jumysshy aman qaldy
Almaty qoǵamdyq densaýlyq saqtaý basqarmasynyń málimetinshe, ortalyq qalalyq klınıkalyq aýrýhanada reanımatologtar 43 jastaǵy naýqastyń jaǵdaıyn bir qalypqa túsirgen soń № 4 qalalyq aýrýhananyń kombýstıologtaryna jibergen.
«Er adam „Remızovka“ shaǵynaýdanynda jumys istep júrgende elektr toǵy soqqan. Oǵan elektr jaraqaty, 35% termııalyq kúıik dıagnozy qoıyldy. Ol sondaı-aq ekinshi dárejeli kúıik shogy dıagnozymen ortalyq qalalyq klınıkalyq aýrýhananyń jansaqtaý bólimine jatqyzyldy. Keıin eki klınıka arasyndaǵy kelisim boıynsha naýqas jedel járdem brıgadasymen № 4 qalalyq klınıkalyq aýrýhanaǵa jetkizildi. Kelgen sátten bastap jansaqtaý bóliminde jan-jaqty qaraldy», - dedi № 4 qalalyq klınıkalyq aýrýhananyń kúıik aýrýlary bóliminiń meńgerýshisi Eldos Álmenov.
Er adamnyń jaǵdaıy óte aýyr dep baǵalandy, naýqas uzaq ýaqyt boıy qarqyndy terapııa bóliminde emdeldi.
Onda tynys alýdy, júrek qyzmeti men deneniń ómirlik mańyzdy fýnktsııalaryn saqtaýdy qamtıtyn erte reanımatsııa jasaldy.
«Qatty kúıikti emdeý kóp ýaqytty ári kombýstıolog, reanımatolog, kardıolog, terapevt, hırýrg jáne basqa da dárigerlerdiń aralasýyn qajet etti. Negizi elektr toǵy aǵzany zaqymdap, júrek jumysy, tynys alý, júıke júıesiniń buzylýyna, sondaı-aq kúıikke, basqa da jaraqattarǵa ákelýi múmkin. Toqtyń qarqyny joǵary bolǵan kezde qarynsha fıbrıllıatsııasy órshýi múmkin, bul birneshe mınýtta ólimge ákeledi. Elektr jaraqatynan soń stress sındromy sııaqty psıhologııalyq zardap da bolýy múmkin», - dedi № 4 qalalyq klınıkalyq aýrýhananyń anestezıologııa, reanımatsııa jáne qarqyndy terapııa bóliminiń meńgerýshisi Jandos Dáýletbekov.
Er adamǵa teri plastıkalyq hırýrgııa jasaý qajet boldy. Oǵan aýtodermoplastıka jasaldy, ıaǵnı deneniń saý terisi zaqymdalǵan jerge aýystyryp salyndy.
«Bul ádis jaranyń tez jazylýyn jáne tez qalpyna kelýin qamtamasyz etedi. Operatsııany hırýrgtar Eldos Álmenov, Dıas Dáýletbaev jáne anestezıolog Qanatbek Raıymbekov jasady. Emniń 52-shi kúni naýqastyń jaǵdaıy jaqsaryp, úıge shyqty», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.