Almatyda tóbeles bolyp, 1 adam pyshaq jaraqatyn aldy

<p>ALMATY. KAZINFORM - Almatyda er adamdar arasynda janjal shyǵyp, azamattardyń biri aýrýhanaǵa tústi. Jelidegi málimetke sáıkes, kıkiljiń kezinde kúdiktilerdiń biri&nbsp;<a href="https://www.instagram.com/reel/DBoKhB4IzWQ/?igsh=ejcxMXcxbnFjZTJk" target="_blank" rel="noopener">pyshaq qoldanǵan.&nbsp;</a></p>

Almaty qalasynyń Polıtsııa departamenti bul oqıǵa boıynsha qylmystyq is qozǵalyp, kúdikti ustalǵanyn habarlady.

- Bostandyq aýdandyq polıtsııa basqarmasy densaýlyqqa zııan keltirý deregi boıynsha qylmystyq is qozǵady. Kúdikti ustaldy jáne ýaqytsha ustaý ızolıatoryna qamaldy. Aldyn ala málimet boıynsha, tanys emes er adamdar arasynda janjal shyqqan. Oqıǵanyń basqa da mán-jaılary anyqtalyp jatyr, - dep habarlaıdy qalalyq PD baspasóz qyzmeti.

Eske salaıyq, 4 qazan kúni Talǵar qalasyndaǵy tóbelesten 16 jastaǵy Sherzat Bolat qaıtys bolǵanyn jazǵanbyz. 

Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy. 

12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵaldy. 

Іshki ister mınıstrliginiń ókilderi BAQ qyzmetkerlerine Sherzat Bolat qaza tapqan jerde kameraǵa túsip qalǵan vıdeony kórsetti.