Almatyda «Tilder saıabaǵy» jobasy arqyly 5 myń turǵyn shet tilin tegin úırenip jatyr

<p>ALMATY. KAZINFORM &ndash; &laquo;Tilder saıabaǵy&raquo; jobasy aıasynda 5 000-nan astam almatylyq memlekettik tildi jáne shet tilin tegin úırenip jatyr. Joba Jastar saıasaty basqarmasynyń bastamasymen qolǵa alyndy.</p>

Onyń basty ereksheligi – kýrstardyń ashyq aspan astynda ótkizilýi. Munda qazaq, aǵylshyn, qytaı, koreı, japon, frantsýz, túrik jáne orys tili boıynsha kýrstar usynylady. 

«Sabaq jazǵy maýsymda aptasyna 3 ret uıymdastyrylyp, oǵan 6-dan 60 jasqa deıingi til úırenýge nıetti bes myńnan astam turǵyn qatysty. Olarǵa baǵdarlama sheńberinde tildi meńgerý deńgeıin kórsetetin kýrstardy aıaqtaǵannan keıin sertıfıkattar beriledi», - dep habarlady ákimdikten. 

Foto: Almaty ákimdigi

Qyrkúıek aıynyń ortasynan bastap kúzgi-qysqy kezeńge ótýge baılanysty tilderdi oqytý komıýnıtı ortalyqtardyń ǵımarattarynda jalǵasady. 

Kýrs kestesin komıýnıtı-ortalyqtarynan nemese Call-ortalyqtyń nómirine habarlasý arqyly bilýge bolady. 

Foto: Almaty ákimdigi

Osyǵan deıin atalmysh joba Almatynyń 8 iri saıabaqtarynda júzege asyrylyp jatqany týraly jazǵan edik.