Almatyda «Terrenkýr» saıabaq aımaǵy qaıta jańartylady
«Almatyda Terrenkýr saıabaq aımaǵy sý aıdynynyń aınalasyndaǵy jalpy aýdany 3,4 ga ýchaskeni rekonstrýktsııalaý bastalady. Bul aımaq Táttimbet kóshesi men Dostyq dańǵylyna jaqyn mańdaǵy shyǵys bólikte ornalasqan», - dep habarlady ákimdikten.
Munda keń demalys aımaǵy, toǵan boıyndaǵy serýendeý joly jáne ótpeli kópir bar.
Jumys bitken soń munda toǵan boıynda serýendeý joly bar keń demalys aımaǵy paıda bolady. Ádemi toǵannyń aýmaǵynda sýdyń janynda óner kórsetýge arnalǵan sahna qurylady. Oǵan qarama-qarsy zamanaýı ashyq amfıteatr ornalasady. Kelýshilerdiń jaılylyǵy úshin jańa balalar jáne sport alańdary, oryndyqtar men qoqys jáshikteri, jaryqtandyrý tirekteri ornatylady. Aýdany 19,6 myń sharshy metr ýchaskeni kógaldandyrý, 2,8 myń sharshy metr trotýar plıtalaryn tóseý jáne avtosýarý júıesin engizý boıynsha jumystar josparlanǵan.
«Rekonstrýktsııa aıasynda toǵandy abattandyrý da qarastyrylǵan, osyǵan baılanysty qazirgi ýaqytta sý joq. Jumys aıaqtalǵannan soń sý beriledi. Jumys maýsym aıynyń basynda bastalyp, osy jyldyń sońyna deıin aıaqtalady», - dep atap ótti ákimdikten.
Aıta keterligi, Terrenkýrdaǵy densaýlyq soqpaǵy 1974 jyly salynǵan. Bul aýmaq jeke menshikte boldy jáne jóndeý jumystary 20 jyldan astam ýaqyt boıy júrgizilmegen.
2023 jyly ýchaske kommýnaldyq menshikke qaıtaryldy, sodan keıin rekonstrýktsııalaý jóninde jobalaý-smetalyq qujattamany ázirleý jumystary bastaldy.