Almatyda tektonıkalyq jaryqshaqtarda ornalasqan 71 úı buzylady

<p>ALMATY. KAZINFORM &ndash; Almatyda tozyǵy jetken 676 úı buzylady, onyń 71-i tektonıkalyq jaryqshaqtarda ornalasqan úı bar. Bul týraly qala máslıhatynyń kezekti XXIV sessııasy barysynda qalalyq josparlaý jáne ýrbanıstıka basqarmasynyń basshysy Nurlan Boranbaev málim etti.&nbsp;</p>

Basqarma basshysynyń sózinshe, eski úılerdi buzý boıynsha 2012-2015 jyldar aralyǵynda qalada pılottyq jańartý baǵdarlamasy júzege asyryldy. Keıin 2021- 2025 jylǵa deıin eseptelgen qoldanystaǵy renoavtsııa baǵdarlamasy bekitildi.

Eki renovatsııa baǵdarlamasy aıasynda 181 eski úıdi buzylyp, 1 629 páterdiń turǵyndary jańa baspanaǵa kóshirildi. Desede, qalada áli 1 366 tozyǵy jetken kópqabatty úı bar. Onda 43 myńnan astam adam turyp jatyr.

Sondaı-aq ol Almaty qalasynyń 2040 jylǵa deıingi Bas jospary jańa renovatsııa baǵdarlamasyn ázirleýge negiz bolǵanyn atap ótti.

«Jańa baǵdarlamada qoldanylatyn sharttar men mehanızmder 676-dan kem emes tozyǵy jetken úılerdi, sonyń ishinde tektonıkalyq jaryqshaqtarda ornalasqan 71 úıdi súrýge múmkindik beredi. Bul 2030 jylǵa deıin apatty jáne tozyǵy jetken turǵyn úılerdiń shamamen 7500 menshik ıesin jańa jaıly páterlerge kóshirý kózdelgen. 2024 jyly kóshirý qoryn qalyptastyrý úshin 1110 páterdi satyp alýǵa bıýdjet esebinen 30 mlrd teńge bólindi. 2026 jyldan bastap bul qarajattar ınvestıtsııalyq tartymdy ýchaskelerde eskere tyryp, renovatsııa baǵdarlamasyna qaıta ınvestıtsııalanatyn bolady», - dedi qalalyq josparlaý jáne ýrbanıstıka basqarmasynyń basshysy Nurlan Boranbaev.