Almatyda tek Audi markaly avtokólikterdi urlaǵan kúdikti ustaldy
Almaty qalalyq polıtsııa departamentiniń málimetinshe, kúdiktiniń qatysýymen kólik urlaýdyń 10 deregi anyqtaldy. Qylmysty jasady degen kúdikpen Audi avtokólikterin urlaýdy ádet etken Jetisý oblysynyń 35 jastaǵy týmasy ustaldy.
«Jedel-izdestirý is-sharalary barysynda kúdikti ustaldy. Ol óz qylmysyn moıyndady. Urlanǵan 6 kólik búlinbegen kúıde tabyldy, olar qylmystyq iske zattaı aıǵaq retinde qosyldy. Kúdiktiniń aıtýynsha, taǵy eki kólikti satyp úlgergen. Qazir qalǵan kólikterdiń qaıda ekendigi anyqtalyp jatyr. Kúdikti ýaqytsha ustaý ızolıatoryna qamaldy», — dedi Almaty qalalyq polıtsııa departamenti bastyǵynyń orynbasarynyń mindetin atqarýshy Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarııa etilmeıdi.
Polıtsııada sondaı-aq, QR Konstıtýtsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz ekenin habarlady.