Almatyda tasqynnan japa shekken óńirlerge gýmanıtarlyq kómek qabyldaıtyn pýnkt ashyldy

<p>ALMATY. KAZINFORM - Almaly aýdanynyń komıýnıtı ortalyǵynda sý tasqynynan zardap shekken óńirlerge gýmanıtarlyq kómek qabyldaý pýnkti ashyldy.</p>

Almaty qalasy jastar saıasaty basqarmasynyń málimetinshe, gýmanıtarlyq kómek kelesi sanattarǵa bólinedi:

— azyq-túlik 
— aýyz sý 
— dári-dármek pen medıtsınalyq maqsattaǵy buıymdar;
— kıim (jyly kıim, aıaq kıim, ish kıim, shulyq jáne t. b.) 
— zattar (kórpe, uıyqtaıtyn qap, jastyq jáne t. b.) 
— turmystyq zattar (shatyrlar, termostar, shamdar, qýattaǵyshtar, sháınekter, balalar ydystary jáne t. b.);
— gıgıenalyq quraldar (jórgekter, áıelder gıgıenasy quraldary, sabyn, tis pastasy, sýsabyndar, maılyqtar, dárethana qaǵazy, tazartqysh zattar).

«Gýmanıtarlyq kómek Baıtursynov kóshesi, 22/1 mekenjaıynda qabyldanady. Qabyldaý ýaqyty: 10:00-den 19:00-ge deıin. Búkil nıet bildirýshiler Almaly aýdanynyń komıýnıtı ortalyǵyna habarlasyp, qajetti zattardy tapsyra alady. Baılanys nómiri: [phone]; 7 747 540 01 40» dep habarlady qalalyq jastar saıasatynyń basqarmasy.

Eske salaıyq, Memleket basshysy elimizdegi sý tasqynyna baılanysty ótken keńeste jaǵdaıdy qalypqa keltirý úshin shuǵyl sharalar qabyldaýmen qatar, júıeli jumys qajet ekenin aıtty.  

Sondaı-aq QR Premer-Mınıstri Oljas Bektenov sý tasqynynan zardap shekkenderdiń barlyq shyǵyny óteletinin málimdegen bolatyn.