Almatyda tarıfterdiń kóterilýine baılanysty ótemaqy ósedi

<p>Almaty máslıhaty muqtaj azamattardyń jekelegen sanattaryna kommýnaldyq qyzmetterge tarıfterdiń kóterilýine baılanysty áleýmettik kómek kórsetý jáne ótemaqy tóleý mólsherin belgileý qaǵıdasyna ózgeris engizetin sheshim ázirledi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Áleýmettik kómek kiristi esepke almaǵanda 0,5 AEK mólsherinde kórsetiletin áleýmettik kómektiń mólsheri osy jyldyń 1 qarashasynan bastap 0,6 AEK boldy. ıAǵnı, 1725 teńgeden 2070 teńgege deıin ósedi.

Bul ózgeriske elektr energııasy tarıfteriniń kóterilýi sebep bolǵan. Budan bólek, áleýmettik kómek kórsetý merzimi 2024 jyldyń 30 maýsymyna deıin uzartyldy. Buryn ereje 2023 jyldyń 31 jeltoqsanyna deıin jaramdy edi.

«Eger kórsetiletin qyzmetti alýshy 2023 jylǵy 31 jeltoqsandaǵy jaǵdaı boıynsha áleýmettik kómek alýshy bolyp tanylsa, onda oǵan kórsetiletin qyzmetti berýshige habarlaspaı áleýmettik kómek taǵaıyndalady. 2023 jyldyń 31 jeltoqsannan keıin ótinish bergenderge áleýmettik kómek ótinish berilgen aıdan bastap taǵaıyndalyp, tólenedi», - delingen qujatta.

Qujat 15 qarashaǵa deıin qoǵam bolyp talqylaý úshin Ashyq NQA saıtynda jarııalandy.