Almatyda tanymal ánshi qamaýǵa alyndy

<p>ALMATY. KAZINFORM - Almatyda ARO laqap atymen tanymal ánshi - Arman Seıtjapbardy polıtseıler ustap, qamaýǵa aldy.</p>

Almaty qalasy Polıtsııa departamentiniń málimetine sáıkes, bıyl 2 jeltoqsan kúni saǵat 21:57–de Shalıapın kóshesinde patrýldik polıtsııa qyzmetkerleri «Toıota» avtokóligin toqtatqan. Medıtsınalyq saraptama nátıjesinde kólik júrgizýshisi nasha shegip, oǵan masań kúıde bolǵany anyqtalǵan.

Tergeý barysynda «Toıota» avtokóliginiń ıesi Arman Seıtjapbar óz kóligin esirtki shegip, mas bolǵan adamǵa tapsyrǵandyǵy belgili bolǵan. Onyń áreketi QR ÁQbK-niń 608-baby 6-bóligimen aıyptaldy.

— Sot sheshimimen eki azamat ta qamaýǵa alyndy. Sondaı-aq, júrgizýshi 7 jyl merzimge kólik quralyn basqarý quqyǵynan aıyryldy, — dep habarlady qalalyq PD baspasóz qyzmeti.

Eske salaıyq, buǵan deıin Apellıatsııalyq sot Dáýlet Turlyhanovtyń ulyna qatysty úkimdi ózgerissiz qaldyrǵanyn jazǵanbyz.