Almaty ákimdigi dámhanalardan shyǵatyn tútin máselesin qalaı rettemek

<p>ALMATY. KAZINFORM &ndash;Túrksib aýdanynyń turǵyndarymen kezdesýde Almaty ákimi Erbolat Dosaev jumys istep jatqan kafelerden shyqqan tútinge qatysty másele qalaı sheshiletinin jetkizdi.</p>

Erbolat Dosaev bıyl qala ákimdiginiń bastamasymen ekologııalyq kodekske jáne Almatynyń erekshe mártebesi týraly Zańǵa ózgerister engizilgenin atap ótti.

Endi qala máslıhatyna Almatyda atmosferalyq aýany qorǵaý jónindegi qaǵıdalardy qabyldaý boıynsha quzyretter berildi, onda aýany tazartý deńgeıi joǵary jáne paıdalanylatyn otynnyń zııandy zattaryn ustap qalatyn gıdrofıltrlerdi mangaldarǵa ornatý qajettiligi boıynsha naqty talaptar jazylatyn bolady.

Foto: Almaty ákimdigi

 

«Men ýáde etkenimdeı, biz zańdy túrde jumys istedik. Endi máslıhatpen birlesip, biz qajetti sheshim qabyldasaq, bul erejeler bekitiletin bolady. Olar Almaty aýmaǵynda mindetti bolady, biraq kásipkerlik kodekske qatysty bir másele bar. Biz bir jaǵynan zańmen qatań qorǵalatyn kásipkerlik qyzmetti shektemeý jáne kásipkerler tek ekologııamen ǵana emes, sonymen qatar sanıtarlyq-epıdemıologııalyq qadaǵalaýmen de baılanysty barlyq qajetti talaptardy saqtaýlary úshin jumys isteýge tyrysamyz, óıtkeni bul qala turǵyndarynyń densaýlyǵyna áser etedi», - dep atap ótti ákim.

Osyǵan deıin Almaty mektepterine 200 psıholog jetpeıtini týraly jazdyq.