Almatyda talantty jastardy qoldaıtyn «Bastaý» kınofestıvali bastaldy
12 jeltoqsanda Abaı atyndaǵy Qazaq ulttyq opera jáne balet teatrynda festıval saltanatty túrde rejısser Eldar Qaparovtyń «Soǵys tutqyny» tarıhı dramasynyń premerasymen ashyldy.
Fılmdegi oqıǵanyń negizi ekinshi dúnıejúzilik soǵystan keıin keńestik tutqynda bolǵan japondyq jas jigit, ımperatorlyq mekteptiń kýrsanty Ahıko Tetsýronyń shynaıy tarıhy men taǵdyry.
Lagerde jas japon soǵysynyń naǵyz batyry, Keńes armııasynda qyzmet etken jáne Berlınge shabýyl jasaýǵa qatysqan qazaq jaýyngeri Aqajan kezdesedi. Ol keıin Japon soǵysyna jiberilip, onda jaraqat alyp, tutqynǵa túsken.
Qaıtyp oralǵannan keıin Aqajan «satqyn jáne halyq jaýy» retinde sottalǵan…
Fılmdi prodıýserler Borıs Cherdabaev jáne Álııa Ývaljanova bastaǵan halyqaralyq komanda túsrigen. Japondar jaqtan Sano Sındzıý jáne Shýıchı Esımýra boldy. Basty keıipkerlerdiń rólderin Syrym Qashqabaev (Qazaqstan) jáne Eısaký Ogasavara (Japonııa) somdady.
Festıvalge qatysý úshin Ispanııa, Frantsııa, Rýmynııa, Polsha, Iordanııa, Úndistan, Grýzııa, Ózbekstan, Qyrǵyzstan jáne basqa da elderden 700-den astam ótinim kelip tústi.
Bıyl Bastau DEBUTS debıýttik tolyqmetrajdy kórkem fılmderiniń halyqaralyq baıqaýy erekshe qyzyǵýshylyq týdyrady, oǵan búkil álem boıynsha «A» klasyndaǵy iri kınofestıvalderge qatysqan 10 kartına kirdi.
Munda Berlın kınofestıvalinde júldeli bolǵan ıspandyq «20 tysıach porod pchel» kartınasy jáne 2023 jylǵy Kann festıvaliniń qatysýshylary — «Eslı by tolko ıa mog vpast v spıachký» (Mońǵolııa, Frantsııa, Shveıtsarııa, Katar) jáne «Inshallah malchık» (Iordanııa, Katar, Saýd Arabııasy, Frantsııa) fılmderi bar.
Sonymen birge álemdik premerasy Berlınalede ótken reseılik «Kletka ışet ptıtsý» fılmi, Ózbekstannan rejısser Shokır Holıkovtyń kóptegen halyqaralyq kınofestıvalderdiń jeńimpazy atanǵan «Jeksenbi» kınosy da qatysady.
Al Qazaqstan atynan birden eki týyndy — Maksım Akbarovtyń «Step» jáne Dáýletjan Mahmuttyń «Globýs» atty fılmderi synǵa túsedi.
Barlyq kórsetilim «Arman» kınoortalyǵynda ótedi. Kirý tegin.
Konkýrstan tys baǵdarlamalar da qyzyqtarǵa toly. Festıval kezinde qysqametrajdy kórkem jáne derekti fılm jobalary rejısserlerine arnalǵan Almaty Film Lab sheberhanasy ótedi.
Onda jeńimpazdardy aqshalaı syılyqtar kútedi (barlyǵy 7 mln teńge).
Festıval qonaqtarynyń biri — áıgili brıtandyq prodıýser Pol Brett bolmaq. Ol 30-dan astam túrli janrdaǵy tolyqmetrajdy fılmderdiń óndirisine qatysqan. Olardyń ishindegi eń tanymaly — rejısser Tom Hýperdiń «Oskar» syılyǵyn jeńip alǵan «Korol govorıt!» kartınasy, onda Pol atqarýshy prodıýser bolyp jumys istegen. Pol festıval aıasynda «Fılmińizdi álemge qalaı tanytýǵa bolady» taqyrybynda sheberlik sabaǵyn ótkizedi.
Sonymen qatar festıval aıasynda áıgili amerıkandyq stsenarıst, prodıýser jáne jazýshy Djeıms V. Harttyń stsenarıı sheberligi boıynsha onlaın sheberlik sabaǵy ótedi.
Óziniń uzaq mansabynda 76 jasqa kelgen Djeıms Stıven Spılbergtiń «Kapıtan Krıýk» (1991), Frensıs Ford Koppolanyń «Drakýla» (1992), Robert Zemekıstiń «Kontakt» (1997), ıAn de Bonttyń «Lara Kroft: Rashıtıtelnıtsa grobnıts 2 — Kolybel jıznı» (2003), Brek Eısnerdiń «Sahara» (2005), Kersten Sherıdannyń «Avgýst Rash» (2007) jáne taǵy basqa tanymal fılmderdiń stsenarııin jazǵan.
Sondaı-aq, bıyl festıvaldi alǵash ret Frantsııanyń Qazaqstandaǵy elshiligi qoldap otyr.
Osy yntymaqtastyq sheńberinde la CinéFabrique kınomektebiniń jáne DOCMONDE qaýymdastyǵynyń birqatar sheberlik synyptary men tusaýkeserleri, RUBIKA anımatsııalyq mektebi (Frantsııa) men T. Júrgenov atyndaǵy Qazaq ulttyq óner akademııasy jáne «Qazanımatsııa» arasynda memorandýmǵa qol qoıylady.