Almatyda taksılerge lıtsenzııa kerek – Erbolat Dosaev
«Almatyǵa ózbektiń, tájiktiń, qyrǵyzdyń, mońǵoldyń kólikteri týrıst bolyp keledi da, keıin qalada taksı bolyp ketedi. Qazir Yandex, InDriver arqyly taksı bolyp júrgen mundaı 70 myń kólik bar. Bul kólikterdiń baǵasy bizde 7 mln teńgeden bolsa, Tájikstanda 3 mln teńgege satylady. Bul kólikter bizde bir jyl taksı bolady, keıin olardy laqtyryp tastaıdy. Al bizdiń azamattar sol 7 mln teńgeliik kóliktiń eki jylda aqshasyn qaıtara almaı, ne otbasyn asyraı almaı, ne kredıtin jaba almaı júredi. Osyny eskeresizder me? Salyq komıteti bar, quqyq qorǵaý organdary bar, osyny qalaı sheshýge bolady», - degen suraq qoıdy qala turǵyny.
Almaty ákimi Erbolat Dosaev qazirgi tańda Kólik mınıstrligi jańa normalardy qarap jatqanyn aıtty.
«Almatyda taksı máselesi úlken másele. Meniń jeke oıym - taksıge lıtsenzııa kerek. Lıtsenzııa bolsa bizde kim júrgenin, qalaı júrgenin túsinemiz. Yandex, InDriver degender agregatorlar. Olar burynǵy dıspetcherlik pýnktter sııaqty. Olarǵa ótinish túsedi, olar ony ary qaraı jiberedi.. Taksı degen kólik qoı. Oǵan normalar kerek. Ol qandaı bolýy kerek, oǵan qalaı monıtorıng jasaý kerek jáne taǵy basqa. Kólik mınıstrligine bul máseleler boıynsha usynystar túsken. Qazir mınıstrlik olardy zerttep jatyr. Aıtý kerek, Almatyda tek qala emes, kórshi Almaty oblysynan kólikter aǵylyp keledi. Kún saıyn tańerteń qalaǵa 400 myń kólik kiredi. Jyl sońyna deıin tıisti zańnamalyq ózgerister qabyldansa, atalǵan máseleler sheshimin tabady dep senemin», - dedi Erbolat Dosaev.