Almatyda taǵy da avtobýs apatqa ushyrady: zardap shekkender bar

<p>ALMATY. KAZINFORM &mdash; Almatyda Jangeldın men Túlkibas kósheleriniń qıylysynda qoǵkamdyq kólik pen shaǵyn avtobýs soqtyǵysty.</p>

Onyń vıdeosy áleýmettik jelide tarady. 

Polıtsııa departamentiniń málimetinshe, Toyota kóliginiń júrgizýshisi Jangeldın kóshesimen ońtústik baǵytta kele jatyp, Túlkibas kóshesine solǵa buryla bergende, soltústik baǵytta kele jatqan avtobýspen soqtyǵysty.

«Aldyn ala málimetke sáıkes, apat saldarynan alty adam medıtsınalyq kómekke júgingen. Jetisý aýdandyq polıtsııa basqarmasy qyzmetkerleri jol-kólik apatynyń mán-jaıyn anyqtaýǵa kiristi»,- dep habarlady Almaty polıtsııa departamentiniń baspasóz qyzmeti.

Eske salaıyq, 26 maýsym kúni Almatyda avtobýs apatqa ushyrap, bir adam qaza tapqan bolatyn. 

Jol-kólik oqıǵasyna «5:32» serıalynyń prodıýseri sebepker bolǵan. 

Keıin kúdikti dep tanylǵan jeńil kólik júrgizýshisi Anel Sartaeva tergeý ýaqytynda úı qamaǵynda bolatyny týraly jazǵan edik.