Almatyda taǵy birneshe kóshe jabylady

<p>ALMATY. KAZINFORM - Almatyda birneshe kóshedegi jol ýchaskeleri jáne Qapshaǵaı kópiriniń ýchaskesi jabylady. Bul týraly Almaty qalasynyń ákimdigi habarlady.</p>

21 qyrkúıek kúni saǵat 06:00 bastap 22 qyrkúıektiń saǵat 14:00 deıin Almaty qalasynyń Jetisý aýdanynda avtokólikterdiń qozǵalysy Pavlodarskaıa kóshesiniń boıymen №136 úıden bastap Maqataev kóshesine deıin shekteledi. Qozǵalys eki jaqqa qaraı jabylady. 

Sondaı-aq 21 qyrkúıek kúni saǵa 09:00-den 21:00-ge deıin Ońdasynov kóshesiniń Dostyq dańǵylynan MTF kóshesine deıingi ýchaskede qólik qozǵalysy shekteletin bolady. Aınalma jol «Evropolıs» TÚK aýmaǵy arqyly qamtamasyz etiledi. Jóndeý jumystary kezeńinde №107 marshrýttyń qozǵalysy ózgeredi. 

Qapshaǵaı kópiriniń ýchaskelerine ortasha jóndeý júrgizýge baılanysty Boraldaı kóshesinen «Samal» dúkenine deıingi ýchaskede qozǵalysqa ýaqytsha shekteýler engiziledi. Atap aıtqanda: 

20 qyrkúıekte saǵat 23:00-den 22 qyrkúıekte saǵat 11:00-ge deıin qozǵalys oblys baǵyty boıynsha jabylady. Joldyń batys jaǵynda keri qozǵalys uıymdastyrylady.

22 qyrkúıekte saǵat 23:00-den 24 qyrkúıekte saǵat 11:00-ge deıin qozǵalys qala baǵytynda jabylady. Joldyń shyǵys jaǵynda keri qozǵalys uıymdastyrylady.

Eske salaıyq, buǵan deıin Jýravlev kóshesiniń bóligi 10 kúnge jabylatynyn jazǵanbyz. 

Sondaı-aq Abaı dańǵylynyń bir bóligi 10 kúnge jabylady.