Almatyda taǵy bir zańsyz salynǵan kólik jýý nysany buzyldy

<p>ALMATY. KAZINFORM &ndash; Almatyda zańsyz salynǵan kezekti kólik jýý orny buzyldy. Bul týraly qala qurylysyn baqylaý basqarmasy málim etti.&nbsp;</p>

Sot sheshimimen Buryndaı kóshesi 91/10 mekenjaıynda ornalasqan kólik jýý orny súrildi. 

«Buǵan deıin qala qurylysyn baqylaý basqarmasy jer telimin jalǵa alǵan jeke tulǵaǵa buzýshylyqtardy joıýǵa nusqama berip, ákimshilik jaýapkershilikke tartqan bolatyn. Keıin sotqa zańsyz turǵyzylǵan nysandy buzýǵa talap aryz túsirdi», - dep atap ótti basqarmadan.

Byltyr mamandandyrylǵan aýdanaralyq ekonomıkalyq sotynyń sheshimimen nysan zańsyz dep tanylyp, talap-aryzdar qanaǵattandyryldy. 

Nysandy búgin jalǵa alýshy azamat Ádilet departamentiniń sot oryndaýshylarynyń kómegimen óz betinshe buzdy. 

Osyǵan deıin sot sheshimimen Qalqaman shaǵynaýdany Tóle bı kóshesi 308/54 mekenjaıynda ornalasqan kólik jýý orny jáne Almatyda zańsyz salynǵan dámhana men saýda alańdary buzylǵanyn jazǵan bolatynbyz.