Almatyda taǵy bir stýdent qaıtys boldy, polıtsııa is qozǵady
— Ýnıversıtet stýdentiniń qaıtys bolǵany týraly qaıǵyryp habarlaımyz. Qazirgi ýaqytta oqıǵanyń sebepteri men mán-jaılaryn quqyq qorǵaý organdary anyqtap jatyr. Ýnıversıtet oqıǵanyń barlyq mán-jaıyn anyqtaý úshin quqyq qorǵaý organdaryna tolyq járdem kórsetedi, — dep habarlady Almaty Management University.
Almaty qalasy Polıtsııa departamenti stýdent ólimine baılanysty qylmystyq is qozǵalǵanyn habarlady.
— Atalǵan derek boıynsha Bostandyq aýdandyq polıtsııa basqarmasy Qylmystyq kodekstiń 105-babymen (ózin-ózi óltirýge jetkizý) is qozǵady. Oqıǵanyń sebebi men mán-jaıy anyqtalyp jatyr, — dep habarlady qalalyq PD.
Eske salaıyq, buǵan deıin Almatyda jas jigit kópqabatty úıden sekirip ketkenin jazǵanbyz. Oǵan deıin 19 jastaǵy jigit Almatydaǵy Dostyq dańǵylyndaǵy kópqabatty úıden sekirip, mert boldy.
Ótken aptada Almatyda kópqabatty úıden qulaǵan eki jasóspirim kóz jumdy.