Almatyda taǵy bir avtobýs jol-kólik oqıǵasyna ushyrady

<p>ALMATY. KAZINFORM &ndash; Almatyda Áshimov jáne Shalıapın kósheleriniń qıylysynda qoǵamdyq kóliktiń qatysýymen jol-kólik oqıǵasy boldy.</p>

— Bul jol-kólik oqıǵasy búgin saǵat 09:15–te Almatynyń Naýryzbaı aýdanynda boldy. Áshimov kóshesimen soltústik baǵytta kele jatqan júk kóligi aıaldama kesheninde toqtaǵan 137-marshrýttyń avtobýsyna soqtyǵysty. Avtobýs ınertsııa boıynsha shyǵys jol jıegine shyǵyp, jeke úıdiń qorshaýyna soǵyldy. Aldyn ala málimetter boıynsha, apat saldarynan avtobýstyń 9 jolaýshysy zardap shekti. Jol-kólik oqıǵasynyń basqa da mán-jaılary anyqtalyp jatyr, — dep habarlaıdy qalalyq PD baspasóz qyzmeti.

Foto: Dosbol Atajan\Kazinform

Qalanyń qoǵamdyq densaýlyq saqtaý basqarmasynyń málimetinshe, № 7 MKB qabyldaý bólimine jetkizilgen patsıentter qajetti tekserýden ótýde. Segiz adamnyń jaǵdaıy turaqty, al aýyr jaǵdaıda jetkizilgen bir adam reanımatsııa bóliminde.

Foto: Dosbol Atajan\Kazinform

Eske salaıyq, 26 maýsym kúni Almatyda № 18 avtobýs apatqa ushyrap, bir adam qaza tapqan bolatyn.