Almatyda taǵy 271 turǵyn qonys toıyn toılady
Onyń ishinde jetim bala – 27, I jáne II toptaǵy múgedek – 28, jeńildikter boıynsha Ekinshi dúnıejúzilik soǵys ardagerlerine teńestirilgen ardager – 23, múgedek balalardy tárbıelep otyrǵan otbasy – 58, tolyq emes otbasy – 129, zeınetker – 5 jáne keıbir sozylmaly aýrýdyń aýyr túrinen zardap shegetin bir adam.
Baspanaly bolǵan jannyń biri – 69 jastaǵy Marat Shahanov.
«10 jyldan astam ýaqyt boıy men kezekte turdym. Shynymdy aıtsam, osyndaı jaǵymdy jańalyq kútpedim. Biraq keshe maǵan qońyraý shalyp, jańa páter beriletinin habarlady. Men altynshy qabattaǵy úıimdi kórip shyqtym, qurylys sapasyna rıza boldym. Bıyl muqtaj jandarǵa kóptep páter berilip jatyr. Munyń bári Almaty ákimi Erbolat Dosaevtyń arqasy dep bilemin. Qala bıligine jańa páterde turýǵa múmkindik bergeni úshin óte rızamyn», - dedi Marat Shahanov.
Esterińizge sala keteıik, HÁOT sanatyndaǵy kezekte turǵandarǵa kilt tapsyrý rásimi bıyl 25 mamyrda bastalǵan bolatyn.
Almaty qalasynyń ákiminiń tapsyrmasyna saı 2024 jyly qalanyń kommýnaldyq turǵyn úı qorynan halyqtyń áleýmettik osal toptarynyń tizimi boıynsha kezekte turǵan azamattarǵa kezektilik tártibimen eki myń jalǵa beriletin páter berý josparlanyp otyr, onyń ishinde 400 páter jetim balalarǵa beriledi.