Almatyda sýburqaqtar maýsymy aıaqtalady

<p>ALMATY. KAZINFORM &ndash; Almatyda 1 qazannan bastap qaladaǵy sýburqaqtardyń jumys maýsymy aıaqtaldy. Qyzmet kórsetetin kompanııa mamandary sýburqaqtardy jazǵy rejımnen qysqy rejımge aýystyrýǵa kiristi.</p>

Almaty ákimdiginen málim etkendeı, konservatsııalaý jumystary eki kezeńde júrgiziledi. Birinshi kezeńde sýburqaqtardan sý aǵyzylady, tostaǵandary tazalanady. 

«Budan ári ony tekserý jáne jóndeý-qalpyna keltirý jumystaryn júrgizý úshin jabdyqty bólshektep, ishinde isten shyqqan agregattary aýystyrylady. Bul jańa maýsymǵa sýburqaqtardy daıyndaýǵa baǵyttalǵan. Sonymen qatar kelesi maýsymnyń basyna deıin qyzmet kórsetetin kompanııanyń qyzmetkerleri sýburqaq tostaǵandaryna shaǵyn jóndeý jumystaryn júrgizedi», - dep habarlady ákimdikten.

Foto: Almaty ákimdigi

Almatyda barlyǵy 150 sýburqaq bar, onyń ishinde 66-sy kommýnaldyq jáne 84-i jeke aýmaqta ornalasqan. Olar jyl saıyn 1 mamyrda iske qosylady jáne 1 qazanda óshiriledi.