Almatyda sý tasqynynyń aldyn alý jumysyna 52 mobıldi brıgada jumyldyrylady

<p>ALMATY. KAZINFORM &ndash; Almatyda jańbyr bastalǵanda kommýnaldyq qyzmettiń 52 mobıldi brıgadasy jumyldyrylady.</p>

Qazgıdromettiń boljaýynsha, Almaty qalasynda 12 sáýir tańy saǵat 05:00-den túske deıin jańbyr jaýady.

Sý tasqynynyń aldyn alý jáne boldyrmaý úshin 433 birlik arnaıy tehnıka, 18 motopompa jáne 830 jumysshy jumyldyrylady. Aryq jelileri arqyly sýdyń kedergisiz aǵyp ketýi úshin 52 jedel mobıldi brıgada atsalysady.

«Aýa raıynyń buzylýyna baılanysty júrgizýshilerge aǵashtardyń qulaý jáne elektr jelileriniń úzilý qaýpine baılanysty avtokólikti jol jıegine qoımaýǵa keńes beremiz. Sý tasqynynyń aldyn alý úshin qala turǵyndarynan aryq pen kanaldy qoqysqa toltyryp, bitep tastamaýdy suraımyz. Qandaı da bir aýmaqty sý bassa, jedel shara qoldaný úshin aýdan ákimdikterine júginýge nemese [phone] What’s app nómirine habarlama jazýǵa bolady»,- dep habarlady ákimdikten.

Buǵan deıin tótenshelikter ózenderde sý deńgeıi kóterilýi múmkin ekeni habarlaǵan bolatyn.