Almatyda sý tasıtyn kólik júrgizýshisi joldaǵy jarylystyń aldyn aldy

<p>Almatyda sý tasıtyn kólik júrgizýshisi jolda janyp jatqan kólikti sóndirip, jarylystyń aldyn aldy, dep habarlaıdy <a href="Kazinform" target="_blank" rel="noopener">Kazinform</a>.</p>

Órttiń vıdeosy áleýmettik jelide tarady. 

Almaty qalalyq Tótenshe jaǵdaılar qyzmetiniń málimetinshe, oqıǵa 31 qazan kúni saǵat 13:07-de Úlken Almaty aınalma jolynda bolǵan.

«Órt sóndirý brıgadasy oqıǵa ornyna 13:17-de jetti. Kelgen sátte «Daewoo Nexia» avtokóliginiń qozǵaltqysh bóligi men salony ashyq jalynnyń janyp jatqanyn anyqtady.Órt 13:26-da tolyq sóndirildi. Zardap shekkender men qaza tapqandar joq», - dep habarlady vedomstvodan.

Órt sóndirýshiler kelgenge deıin sý tasıtyn kólik júrgizýshisi Maǵjan Qalıhanov otqa oranǵan kólikke sý shashyp, jarylystyń aldyn aldy. Er adamǵa taǵy eki kýáger kómektesken.

Tótenshe jaǵdaılar departamenti azamat M. Qalıhanovty marapatqa usynýǵa qujat ázirlep jatqanyn atap ótti.