Almatyda stýdentterge arnalǵan 400 oryndyq jataqhana ashyldy

<p>ASTANA. KAZINFORM - 24 tamyzda Almaty qalasyndaǵy Halyqaralyq bilim berý korporatsııasynyń stýdentterine arnalǵan &laquo;Dorm 32&raquo; jańa jataqhanasynyń saltanatty ashylýy ótti, dep habarlaıdy QR QR Ǵylym jáne joǵary bilim mınıstrliginiń baspasóz qyzmeti.</p>

Ashylý saltanatyna QR Ǵylym jáne joǵary bilim mınıstri Saıasat Nurbek, Almaty qalasynyń ákimi orynbasary Azamat Qaldybekov, «Qarjy ortalyǵy» AQ ókildiginiń dırektory Ulan Ótebaev jáne jobalyq keńseniń basshysy Damır Kýtýmov qatysty.

Jańa stýdenttik úı memlekettik tapsyrys sheńberinde jataqhananyń burynǵy ǵımaratyn rekonstrýktsııalaý jolymen «MAER TREID» JShS qurylys salýshy-ınvestor turǵyzdy.

400 orynǵa arnalǵan zamanaýı jataqhanada jaıly ómir súrýge, oqýǵa jáne bos ýaqytty belsendi ótkizýge barlyq jaǵdaı jasalǵan. Stýdentter úshin eki, tórt jáne alty oryndyq bólmeler bar.

Ár qabatta as úı, dýsh, kir jýatyn bólmeler, sonymen qatar maýsymdyq paıdalanýǵa arnalǵan qoımalar bar. Fıtnes zaly, maket jáne oqý bólmesi tolyq jabdyqtalǵan. Jataqhana aýmaǵy kúzetiledi, táýlik boıy jumys isteıtin beınebaqylaý júıesi bar.

Stýdentter úıi jańa oqý jylynda bilim alýshylardy qabyldaýǵa daıyn.