Almatyda stýdentterdiń jeke derekteriniń taralýy: Ýnıversıtet qyzmetkerleri jumystan bosatyldy

<p>ASTANA. KAZINFORM &ndash; Almatydaǵy ál-Farabı atyndaǵy QazUÝ stýdentteriniń medıtsınalyq qupııany quraıtyn jeke derekter men málimetterdi taratý faktisi boıynsha kináliler jazaǵa tartyldy. Bul týraly Ǵylym jáne joǵary bilim mınıstri Saıasat Nurbek málim etti.</p>

«Ýnıversıtet qyzmetkerleri jumystan bosatyldy, ákimshiligi jaýapqa tartyldy. Sonymen qatar ýnıversıtetke qyzmet kórsetetin medıtsınalyq ortalyqtyń qyzmetkerleri de jazalandy. Endi medıtsınalyq ortalyqpen kelisimshartty buzý máselesi tur. Tizimge qatysty barlyq adam jazalandy», - dedi Saıasat Nurbek Úkimet otyrysynan keıin BAQ ókilderiniń saýalyna jaýap bere turyp. 

Eske sala keteıik, bıyl aqpanda Almatydaǵy joǵary oqý oryndarynyń birinde stýdentterdiń jeke málimetteriniń taralyp ketkeni týraly aıtylǵan edi. 

Keıin sotqa deıingi tekserý bastalǵany habarlandy.