Almatyda stıhııalyq qoqys ornyna jasyl aımaq salyndy

<p>ALMATY. KAZINFORM &mdash; Burynǵy stıhııalyq qoqys ornynda &laquo;Halyq qatysatyn bıýdjet&raquo; baǵdarlamasy aıasynda jańa jasyl aımaq paıda boldy.</p>

Ýssýrııskaıa kóshesinde bir shaqyrymnan astam trotýar salyndy, fýtbol alańy, balalar jáne sport alańdary jabdyqtaldy. Kóshe demalýǵa jáne serýendeýge yńǵaıly orynǵa aınaldy.

Jumys sapary kezinde Almaty ákimi Erbolat Dosaev nysandy aralap, jergilikti turǵyndarmen kezdesti.

«Qalamyzda bos jer telimderi joq, sondyqtan kelesi jyly kishigirim skverler men saıabaqtar sezimin qalyptastyrý úshin shaǵyn aýmaqtarǵa da aǵash otyrǵyzýdy bastaımyz. Biz 5-10 sotyq jerlerdi kóriktendirip, serýendeýge arnalǵan oryndarǵa aınaldyramyz. Mundaı baǵdarlamany búkil qala boıynsha júzege asyrýdy josparlap otyrmyz», - dedi qala basshysy.

«Halyq qatysatyn bıýdjet» baǵdarlamasy qala turǵyndarynyń bastamalaryn belsendi túrde qoldaıdy. Bıyl oǵan 18,8 mlrd teńge bólinip, aýlalar, skverler, oıyn jáne sport aımaqtaryn abattandyrýǵa arnalǵan 364 jobany júzege asyrýǵa múmkindik berdi.