Almatyda sońǵy aıda páter satyp alýshylar birden 22% azaıdy

<p>ASTANA. KAZINFORM - Bir jylda jańa páterdi satý baǵasy 3% ósti, al páterlerdi qaıta satý quny 3,3% tómendedi. Abattandyrylǵan turǵyn úıdi jalǵa alý tólemi ótken jylǵy tıisti aımen salystyrǵanda 2,9% qymbattady, dep habarlady ulttyq statbıýro.&nbsp;</p>

Óńirler bólinisinde jańa úıler naryǵynda jyldyq mánde baǵa Aqtóbe — 8,9%, Qyzylorda — 7,1% qalalarynda qymbattaǵan.  

Qoldanystaǵy páter naryǵynda baǵa ósiminiń kóshin Taldyqorǵan (9%), Atyraý (8,2%) qalalary bastap tur, turǵyn úıdi jalǵa alý naryǵynda — Jezqazǵan (23,3%), Qaraǵandy (23%) Atyraý (21%) qalalary.

Bir aıdyń ishinde (2024 jylǵy qańtarǵa qaraǵanda 2024 jylǵy aqpanda) jańa turǵyn úıdi satý — 0,4%, al páterlerdi qaıta satý 1,7% ósti.

Abattandyrylǵan turǵyn úıdi jalǵa alý tólemi aqpanda aldyńǵy aımen salystyrǵanda 1,2% tómendedi.

2024 jylǵy aqpan aıynda turǵyn úıdi satyp alý-satý boıynsha 30 534 mámile tirkelgen, onyń ishinde jeke úıler boıynsha 6 017 jáne páter boıynsha 24 517 mámile jasaldy.

2024 jyldyń qańtarymen salystyrǵanda (31 713) turǵyn úıdi satyp alý-satý mámilesiniń sany 3,7% azaıdy.

Mámile sany boıynsha burynǵysynsha Almaty (6434 — 21,1%) jáne Astana (5882 — 19,3%), sonymen qatar Qaraǵandy oblysy (2297 — 7,5%) kósh bastap tur.

2024 jyldyń qańtar aıymen salystyrǵanda aqpanda eń kóp ósim — Pavlodar (+17,1%), Shyǵys Qazaqstan oblystarynda (+15,2%) jáne Shymkent qalasynda (+10,1%). 

Al bir aıdaǵy eń úlken quldyraý kósh bastaǵanyna qaramastan Almaty qalasynda (-22%), Ulytaý (-8,7%) jáne Abaı oblystarynda (-8,3%) baıqaldy.