Almatyda syrǵymanyń túsýi: Adamdar evakýatsııalanyp, keıbiri izdestirilip jatyr

<p>ASTANA. KAZINFORM &ndash; Almaty qalasynda jyljyma túsken orynda avarııalyq-qutqarý jumystary júrgizilip jatyr, dep habarlaıdy QR Tótenshe jaǵdaılar mınıstrliginiń <a href="https://www.gov.kz/memleket/entities/emer/press/news/details/701153?lang=kk" target="_blank" rel="noopener">baspasóz</a> qyzmeti.</p>

Baspasóz málimetterine qaraǵanda, sýyq sýmen jabdyqtaý qubyrynyń jarylýy saldarynan topyraq ylǵaldanyp, keıin kólemi 3200 tekshe metr bolatyn jyljyma túsken. Eki jer úıge, onyń ishinde bireýine ishinara zaqym kelgen.

Aldyn ala aqparatqa sáıkes, úılerde tórt adam, onyń ishinde eki bala bolǵan.

Oqıǵa ornynda «Qazseldenqorǵaý» MM, Almaty qalasynyń «109 qutqarý qyzmeti» MM, Respýblıkalyq jedel-qutqarý jasaǵynan, Almaty qalasy TJD, TJM 28237áskerı bóliminen, jedel medıtsınalyq kómek brıgadasynan, Medeý aýdanynyń ákimdiginen 160-tan astam adam jáne 30 birlik tehnıka jumyldyryldy.

Jaqyn mańdaǵy úılerdiń turǵyndary evakýatsııalandy. Olar № 47 mektepke ornalastyryldy. Olarǵa túneý orny, jyly shaı jáne basqa da qajetti kómek kórsetildi. Jınalý pýnktine ornalastyrylǵannan keıin birneshe saǵat ótken soń, turǵyndar óz erkimen dostary men týystaryna ketti.

Dárigerler brıgadasy kezekshilik uıymdastyrdy. Oqıǵa ornynda TJD psıhologııalyq toby jumys istep jatyr. Yqtımal zardap shekkenderdi izdeý jalǵasýda. Úılerdiń jaqyn ornalasýy, tehnıkany paıdalaný múmkindiginiń bolmaýy jumystardy qıyndatýda.

Aqparat tolyqtyrylatyn bolady. Tek resmı derekterge senýdi suraımyz.