Almatyda sheteldikterdi oıynshyq tapanshamen qorqytyp, iri kólemde aqsha alyp ketkender ustaldy

<p>Jańa jyl qarsańynda Sıngapýr azamattaryna qaraqshylyq shabýyl jasaldy. Almaty polıtsııasy bul qylmystyń betin ashty, dep habarlaıdy <a href="Kazinform" target="_blank" rel="noopener">Kazinform</a>.</p>

Qalalyq Polıtsııa departamenti málim etkendeı, belgisiz bes adam sheteldikterdiń jaldamaly úıine basyp kirip, olardy qarýmen qorqytyp, aqsha berýdi talap etken.
Osylaısha, kúdiktiler 3 mıllıon teńge jáne 13 myń dollardy qoldy etken.
Qylmysty ashý úshin arnaıy jedel-tergeý toby quryldy.

«Shabýyl jasaǵandar anyqtalyp, ustaldy. Olar – 1999, 2001, 2003 jyly týǵan Almaty oblysynyń bes turǵyny. Qylmystyń negizgi uıymdastyrýshysy T.esimdi azamat buryn qaraqshylyq shabýyl jasaǵany úshin sottalǵan. Aıtpaqshy, ol zardap shekkendermen jumys istegen, olardyń tabysy týraly bilgen. Qylmystyq oqıǵanyń hronologııasyn jáne barlyq daıyndyq protsesin jyldam qalpyna keltirýge múmkindik týdy. Bul rette beınebaqylaý júıeleri mańyzdy ról atqardy. Aıǵaqty zattar, onyń ishinde eki oıynshyq tapansha tárkilendi», – dedi Almaty qalalyq polıtsııa departamenti bastyǵynyń orynbasary Dıdar Ahanov.

Kúdiktiler PD-nyń ýaqytsha ustaý ızolıatoryna qamaldy. Shetel azamattary polıtsııanyń kásibı jumysyn erekshe atap ótti.

«Bizdi qatty qorqytty. Polıtsııa qyzmetkerleri jarady. Qylmyskerlerdi tez qolǵa túsirdi. Olarǵa óz atymnan jáne elimizdiń atynan sheksiz alǵysymdy bildirgim keledi», – dedi jábirlenýshilerdiń biri.