Almatyda sheteldik týrıster aǵyny artty

<p>Almatyda bıylǵy birinshi jartyjyldyqta sheteldik týrıster sany 73%-ǵa ósip, 261 myń adamnan asty. Bul týraly Almaty qalasynyń Týrızm basqarmasy málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Týrısterdiń jaıly demalysy úshin bıyl 3 kempıng aımaqty (Aqbulaq, ÚAK jáne Myńjylqy) ornatý jumystary aıaqtaldy. Shatyrly oryndar, tóbesi jabyq besedkalar, ústel-oryndyq, «Altybaqan» ulttyq stılindegi átkenshekter ornatyldy.

Sonymen qatar Kishi Úlken Almaty, Prohodnoe, Býtakovka shatqaldaryn abattandyrý jumystary aıaqtalyp, Qarǵaly shatqalynda jumys qolǵa alynǵan. Marshrýt boıynda navıgatsııalyq kórsetkishter, aqparattyq stendter, qalqandar, tirekter, túrli tústi nusqaýshy belgiler, besedkalar (áınektelgenderdi qosqanda), oryndyqtar, demalýǵa arnalǵan platformalar, kópirler men qorshaýlar ornatylǵan.

Buǵan deıin Almatynyń aporty Qazaqstan brendi bolyp tirkelgenin jazǵan bolatynbyz.