Almatyda seısmıkalyq oqý-jattyǵý ótedi

<p>ALMATY. KAZINFORM - 23 aqpan kúni Almatyda jer silkinisi kezindegi is-áreketterdi pysyqtaý úshin oqý-jattyǵý ótedi. Tańǵy saǵat 10:00-de qala boıynsha dabyl júıeleri iske qosylady. Bul týraly baspasóz máslıhaty barysynda Almaty qalasy Tótenshe jaǵdaılar departamentiniń bastyǵy Nurlan Atyǵaev málim etti.</p>

Spıkerdiń sózinshe, Tótenshe jaǵdaılar mınıstrliginiń jedel toby turǵyndar arasynda aýqymdy úgit-nasıhat jumystaryn bastap ketti. 

«Ertiń 23 aqpanda, dúnıejúzilik azamattyq qorǵanys kúnin merekeleý aıasynda tańǵy saǵat 10:00-de Almatyda jalpy qalalyq seısmıkalyq jattyǵýlar ótkiziletin bolady. Osyǵan baılanysty, qala turǵyndary men qonaqtary seısmıkalyq jattyǵýdy bastamas buryn dabyl chemodanyn daıyndap, qaýipsiz jerge evakýatsııalaý baǵytyn aldyn ala aıqyndaý kerek», - dedi Nurlan Atyǵaev.

- Qaýipsiz oryndar – elektr jelileri men ǵımarattardan alys ornalasqan ashyq jerler.

- «Barlyǵyna, nazar aýdaryńyz!» sıgnalyn estigennen keıin, sabyr saqtap, ǵımarattan evakýatsııalanyńyz.

- Tótenshe jaǵdaılarǵa daıyn bolý - adam ómiri men densaýlyǵyn saqtaýdyń kepili. Seısmıkalyq jattyǵýǵa belsendi qatysýǵa shaqyramyz.

«Qalada shartty túrde baspanasyz qalǵan adamdarǵy 384 qabyldaý pýnkti is júzinde ornalastyrylady. Atalǵan beketter halyqty jınaýǵa, tirkeýge, ýaqytsha ornalastyrýǵa, zardap shekken halyqty qajetti zattarmen (sý, tamaq, azyq-túlik) qamtamasyz etýge, kólikke otyrǵyzyp jáne qaýipsiz aýdandarǵa evakýatsııalaýǵa arnalǵan», - dep atap ótti departament basshysy. 

Eske salaıyq, qańtardyń 22-inen 23-ine qaraǵan túnde Almatyda 5 ball deńgeıinde jer silkindi. Turyǵyndar úreılenip, úıinen kóshege, dalaǵa shyqty. 

Keıin Prezıdent Qasym-Jomart Toqaevtyń tóraǵalyǵymen Almaty qalasynda seısmıkalyq qaýipsizdikti qamtamasyz etý máseleleri jóninde keńes ótti.